Ginpatigayon na ang press presentation sang mga kandidata para sa lin-ay sang Negros 2026 sa Ayala Malls Capitol Central kahapon, Abril 10.
Ginkilala bilang Muse of the Media ang tiglawas sang Bacolod City – City Category si Ysabella Wuthrich kag Don Salvador Benedicto – Municipal Category si Jamaicah Bantigue.
Suno kay Charina Magallanes -TAN, Executive Director sang Panaad sa Negros Festival 2026, nga magluwas sa pagsuporta kag pagpondo sang adbokasiya, ang magadaog sa nasambit nga paindis-indis ang official nga magarepresentar sang probinsya sa Miss World Philippines 2026.
Suno kay Tan, ang competition ang kabahin man sang pag-empower sang mga kababainhan bangud suno kay Negros Occidental Governor Eugenio Jose “Bong” Lacson, wala lamang natapos sa bulan sang Marso ang Women’s Month kag ini ang dapat ginahimo sa bilog nga tuig.
Ginpasalamatan sini ang tanan nga katapo sang media nga nag-upod sa press presentation sang mga kandidata para sa lin-ay sang Negros 2026.
