Makabig nga “very historic” ang madinalag-on nga NASA Artemis II mission sa paglibot sa bulan.
Madinalag-on nga nakabalik sa Earth ang Artemis II matapos ang makasaysayan nga splashdown sa kadagatan malapit sa San Diego, California alas-7:07 subong nga aga.
Luwas nga nakabalik ang apat nga astronaut nga sanday Reid Wiseman, Victor Glover, Christina Koch kag Jeremy Hansen matapos ang 9 days, 1 hour, 32 minutes, and 15 seconds mission sa palibot sang bulan, nga nagmarka sang bag-o nga stage sang programa sang NASA Artemis.
Sa Interview sang Bombo Radyo kay Bombo International News Correspodent Bernie Sarabia, derekta sa California, USA, ang pagbalik sang Artemis II sa Earth ang ginbantayan sang mga amerikano kag mga katawhan worldwide.
Suno kay Sarabia, dako ini nga bulig agud mahibaluan kun mabuhi ang tawo sa space, lakip na ang posibilidad sang pagbalik sa bulan sang mga austronaut, kadungan sa plano nga liwat makalanding sa bulan.
Dugang pa sini, nga ang mission ang nagaserbe nga preparasyon para sa mas malayo nga misyon pakadto sa Mars.
