Gin-umpisahan na ang paggamit sang mga mananagat sang biodiesel sa Barangay Banago, Bacolod City kag suno sa ila, maayo ini gamiton.
Sa interview sang Bombo Radyo Bacolod kay Punong Barangay Baldo Benjamen, suno sa nakagamit na nga residente sang Sitio Sibucao, maayo ang lakat sang iya makina kag wala gid sang problema sang ini naggamit sang biodiesel.
Suno diri, gin-mix sini ang isa ka litro nga used oil kag isa man ka litro sang diesel.
Suno kay Benjamen, indi tanan nga fisherfolk ang nahatagan bangud limitado lamang ang supply
Nagpanawagan siya kay Congressman Alfredo Benitez nga magpanagtag sang dugang pa agud makagamit man ang iban.
Ginpahayag man sang kapitan nga madamo nga mga mananagat ang luyag maggamit sini bangud tuman na kamahal sang krudo.
Dako man nga bulig sa ila ang nasambit nga produkto ilabi na sa karun nga indi masarangan ang presyo sang diesel kag wala sang kasiguruhan ang pagpanagat.
