Matapos ang 18 ka tuig, liwat naman nga magabalik ang Gilas Pilipinas 3×3 Women sa FIBA 3×3 World Cup kasunod sang paglutos sa host country nga Singapore sa World Cup Qualifiers kahapon sa score nga 21-10.
Ang Gilas Women squad ang ginalakipan nanday Cheska Apag, Afril Bernardino, Mikka Cacho, kag Kacey Dela Rosa.
Timprano pa nga nakontrol sang Pilipinas ang hampang nga nakatukod sang 4 puntos nga abanse antes na-injury si Cacho.
Gilayon man nga nakabalik ini kag nagbulig sa pagdugang sang ila puntos kaupod si Dela Rosa nga may asod-asod nga puntos nga nagresulta sa dako nga abanse batok sa Singapore.
Si Dela Rosa ang nakakuha sang 11 points, samtang si Bernardino naman ang nakaangkon sa 6 points, kag Cacho 4 points.
Ang Pilipinas ang ulihi nga na-qualify sa FIBA 3×3 World Cup sang 2018 sa diin nagtapos ini sa ini sa ika-17 nga pwesto.
