Boluntaryo nga nagsurender sa mga otoridad si Cavite 4th District Representative Francisco “Kiko” Barzaga kagab-i, Abril 13 matapos magpagwa sang arrest warrant ang Makati Regional Trial Court may kaangtanan sa eight counts sang cyber libel nga ginpasaka batok sa iya.
Suno sa Branch 147 sang Makati court, ginmanduan ang mga law enforcement officers nga dakpon si Barzaga kag dal-on gilayon sa korte.
Ginpahamtang sa P48,000 kada kaso ang iya nga piyansa, nga may kabug-osan nga P384,000 para sa walo ka reklamo.
Sa warrant nga gin-issue kag ginpirmahan ni Presiding Judge Karla Regina D. Valera-Chua, ginmanduan man ang mga nagdakop nga pulis nga maggamit sang body-worn cameras kag dugang nga recording devices suno sa polisa sang Korte Suprema.
Una na nga ginsuspender si Barzaga bilang tiglawas sang Lower House of Congress bangud sa ginaalegar misconduct sa chamber.
