Ginpahayag sang regional director sang Department of Social Welfare and Development-Negros Island Region nga may yara sang kapin 20,000 ka mga tricycle drivers nagikan sa mga kabanwahanan sa Negros Island Region ang makabaton sang P5000 nga fuel subsidy sa Abril 16.
Sa interview kay DPWH-NIR Director Arwin Razo, nagahulat sila sang mga replacements gikan sa mga cities bangud may yara nga na-exclude apang ginapangitaan sang paagi agud nga sila liwat ang malakip.
Ang mga ginpahayag nga wala malakip sa listahan amo ang mga beneficiaries nga wala makaabot sa deadline nga gintalana para sa releasing sang tinalikdan nga April 8.
Suno diri, mapatigayon man sila sang cross-matching sang mga beneficiaries agud nga masiguro nga wala sang duplication kag matalana sila sang schedule para sa special pay-out sang mga masobra 1000 ka mga tricycle drivers sa cities nga wala pa makakuha sang pay-out.
Samtang sa mga munisipalidad naman sa Negros Island Region tinguhaan nila nga masimultaneous ang pay-out.
Ang ahensya ang nagpain sang kapin P100 million para sa pay-out sang fuel subsidy sa mga kabanwahanan sa rehiyon.
