Ginpasa na sang Sangguniang Panlungsod sang Bacolod sa City Legal Office ang sulat sang kontraktor sang Yuhum Housing angot sa building nga pagatukuron bangud sa baylo nga 25, walo nalang ka building ang humanon.
Sa interview sang Bombo Radyo Bacolod kay Bacolod City Councilor Atty. Ceasar Distrito, chairperson sa Committee on Laws and Ordinances, ginbaton nila ang sulat sang contractor kag gin-endorso man sang alkalde sa City Legal Office.
Suno kay Distrito, ginforward nila sa City Legal Office ang sulat bangud may iban nga parties involved kaangay sang Department of Human Settlements and Urban Development (DHSUD) agud magkuha sang legal opinion angot diri.
Pasalig ni Distrito nga mahimo lamang sang tikang angot diri ang Sangguniang Panlungsod sa tion nga makakuha na sila sang sabat gikan sa City Legal.
Suno sa konsehal ang rason sang Scheirman Corporation sa ila manifestation bangud sa oil crisis.
Dugang pa sini nga ang ciudad ang wala sang gasto sa proyekto magluwas sa ginhatag nga duta para patindugan sa idalom sang Private Public Partnership.
