Ginpangkakas sang Bacolod Traffic and Transport Management Department ang mga baligyaan sa kilid sang Rizal Street, Brgy 12, Bacolod City kaina sang aga, Abril 16.
Sa interview sang Bombo Radyo kay BTTMD Head Atty Reuben Sabig, sang tinalikdan nahawan na nila ang amo nga area kag sang pagkadto nila kahapon, nakibot siya nga may mga canopy nga nakaplastar na.
Kaina sang aga, nagmando ang Officer in Charge san BTTMD nga pangkakakson ang tanan nga balaligyaan.
Pahayag ni Sabig nga ang ang Barangay 12 ang nagpasa sang resolution nga nagahingyo sa Sangguniang Panlungsod sang Bacolod sa paggamit sang mga manubaligya sa sidewalk halin sa Abril 15 tubtob Hunyo para sa patigayunon nga fiesta sa Hunyo 24.
Suno kay Sabig, wala nakoordinar sa ila ang pagpatukod sang mga balaligyaan.
Bangud suno diri, santo sa ila permit nga ginkuha sa Sangguniang Panlugsod, “possible occupancy” sa sidewalk ang nakabutang.
Apang, suno diri indi na insakto ang ila ginaubra bangud ginasaylo pa nila ang unloading kag loading kun sa diin nagatuga sang trapiko kag halos indi na makalabay ang mga tawo.
