Nagpromisa ang Japan nga maga-alokar sang $10 billion (ukon katumbas sang P600-B) agud buligan ang mga pungsod sa Asya, partikular sa South East Asia, nga makakuha sang enerhiya lakip na ang krudo sa tunga sang krisis tuga sang gyera sa Iran.
Gin-anunsyo ni Prime Minister Sanae Takaichi ang bag-o nga cooperation framework pagkatapos sang online meeting kaupod ang iban pa nga mga lideres sang Asya.
Tinutuyo sang cooperation framework nga buligan ang mga pungsod sa Asya nga makakuha sang krudo kag mga produktong petrolyo, mamentinar ang supply chains, kag mapasangkad ang mga stockpile.
Suno sa foreign ministry sang Japan, ang $10-B nga financial aid ang katumbas sang halos isa ka tuig nga crude oil imports sang mga pungsod sa Association of Southeast Asian Nations (ASEAN).
Ang inisyatibo ang ginbatun sang mga lideres gikan sa Pilipinas, Malaysia, Singapore, Thailand, Vietnam, Bangladesh, kag South Korea, kag pagapondohan sang mga institusyon kaangay sang Japan Bank for International Cooperation, Nippon Export and Investment Insurance, Japan International Cooperation Agency, kag Asian Development Bank.
