Ginkumpirmar sang City Administrator sang ciudad sang Bacolod nga wala na sang balayran ang mga ma-graduate subong nga tuig sa Bacolod City College.
Sa interview kay City Administrator Atty. Mark Steven Mayo, first time sa history sang Bacolod City College nga wala na sang balayran para sa graduation fee ang mga magagradwar subong nga tuig.
Suno kay Mayo, ini ang resulta sang paghinun-anon ni Bacolod City Mayor Greg Gasataya, school administrator sang nasambit nga eskwelahan kag mga tiglawas sang mga estudyante.
Suno diri, sa tunga sang mga nagakalatabo kag energy crisis ginpakamaayo nga may yara sang available nga pondo nga gastuhon agud nga mabuhinan ang kabudlayan sang mga ginikanan nga katuyuan man sang alkalde.
Dugang man sini nga yara sa kapin P1 million ang gastuhon sa kapin 800 nga estudyante nga natalana maggradwar.
Ang isa ka estudyante nga maggradwar ang magagasto sang kapin P2000.
