Nagpanindugan ang Former Representative sang Kabataan Partylist nga indi miyembro sang New People’s Army (NPA) si RJ Nichole Ledesma nga nalakip sa 19 ka napatay sa engkwentro sa banwa sang Toboso.
Sa interview sang Bombo Radyo kay Kabataan Partylist Former Representative Raoul Manuel, proud ang grupo nga nangin kabahin si Ledesma sa 7th nominee sang Kabataan Party-list sang 2022 election.
Suno kay Manuel, si Ledesma ang isa ka maisog nga youth leader kag community journalist kag wala na nila ginkakibot nga nagakadto ini sa malayo nga lugar bangud ini ang naga-imbestigar sa mga sitwasyon sang mga mangunguma.
Pahayag sini nga madugay na nga wala sila nagkaupdanay liwat ni Ledesma bangud nangin busy na sila sa ila nagkalain-lain nga trabaho.
Dugang pa sini nga kun matuod man gid nga miyembro sang NPA si Ledesma, gina-post ukon gina-publised na kuntani sang NPA sa kaugalingon nila nga accounts bangud, wala nila ini ginakahuya nga kabahin sila sang mga martir.
Suno diri, padayon ang ila imbestigayon kag may kaugalingon man sila nga fact finding missions.
Paathag ni Manuel nga ang target sang mga militar amo nga ipagwa nga ginaubos nila ang mga grupo sang rebelde apang ang matuod nga apektado amo ang mga sibilyan kun sa diin nagresulta sa pagevacuate sang masobra 600 ka mga pumuluyo sa lugar.
