Wala makahibalo ang Punong Barangay sang Barangay Concepcion, Talisay City nga may naga-operate sang online sabong ukon “e-sabong” sa Sitio Catamnan 2 sa nasambit nga barangay.
Sa interview sang Bombo Radyo kay Punong Baranay Paul Leonard De Oca sang Brgy Concepcion, wala siya sang ideya nga may gintukod nga e-sabong sa lugar kag didto lang niya nahibaluan sang pag-raid na sang mga kapulisan.
Bangud suno diri, sa iya nahibaluan isa lang ka pribado nga manokan ang amo nga area sang una kag ginbakal.
Suno kay De Oca, kaangay nga ba-o lang gintukod ang studio kag ginabanta yara sa duha ka hektarya ang duta.
Dugang pa, ini ang sulodlon kag malayo man sa main road.
Pahayag sini nga ang duha nga nalakip sa nadakpan ang residente sang nasambit nga Sitio.
Paathag sini nga ang barangay ang wala na sang iban nga bulangan magluwas lang sa isa nga yara sa city proper.
Dugang pa, nagapatigayon lamang sila sang bulang kun may fiesta sa brgy kag kun may ara sang temporary permit sa sulod lamang sang duha ka adlaw matapos ang fiesta.
Nagapanawagan ini sa mga pumuluyo nga gilayon i-report kun may nagapatigayon sang ilegal nga operasyon sa brgy.
