Nangin panata sang hepe sang Sagay City Police Station ang paghatag sang sunflower sa tion sang special occasion kaangay sang valentines day kag Mothers Day.
Kahapon, Mothers Day liwat nga nagpanagtag sang sunflower sa kapin 150 ka mga iloy ang mga kapulisan sang Sagay City sa pagpanguna ni Police Lt Col Alvimar Flores.
Suno kay Flores nalipay ini nga makita nga nagakalipay ang mga iloy nga nahatag sang nasambit nga bulak.
Suno kay diri, ang ini nga aktibidad ang mahimo mangin simbolo sang maayo nga intensyon kag pagpabakod sang relasyon sang kapulisan sa komunidad.
Ginpahayag man sini nga nangin panata na sini ang paghatag sang sunflower.
Una na nga ginpahayag ni Flores nga mahilig ang ila pamilya sa mga bulak gani may-ara ini sang sunflower farm sa La Carlota City.
