Naghatag sang maisog nga reaksyon ang actress nga si Bella Padilla nahanugod sa pagbalik ni Senator Bato dela Rosa sa Senado matapos ang pila ka bulan nga pag-absent sa mga session.
Ginkwestyon sang actress ang ginpahayag nga “hysterical” ukon sobra nga emosyonal sang senador sa atubang sang media.
Madumduman nga liwat nga nagpakita si dela Rosa sa Senado sang Lunes, Mayo 11 matapos ang pag-absent sa mga session humalin pa sang Nobyembre 11, 2025.
Ang iya pagbalik ang kadungan sa pagbulos kay Senate President Vicente Sotto III kay Alan Peter Cayetano bilang Senate President.
Samtang ang iban ang nagpahayag sang suporta sa senador, lain naman ang nangin komento ni Padilla.
Sa iya nga instagram stories, ginkwestyon sini ang batasan nga ginpakita ni dela rosa sa isa ka babayi nga reporter nga kalma nga namangkot tuhoy sa malawig niya nga pag-absent sa Senado.
Suno kay Padilla, madamo siya sang pamangkot, una kun sin-o ang naghatang sang iya sang kinamatarong nga singgitan ang reporter nga suno sa iya namangkot sang valid question.
Dugang pa, ginpamangkot man sang actres nga kun ngaa nagabaton sang sweldo si dela Rosa apang wala ini nagatrabaho.
Ginpamangkot man sang actress kun ngaa daw akig ukon tuman ka emosyonal ang senador.
Ginpakigbahin man ni Padilla nga bisan siya nga gikan sa emergency room sang nagligad, naghingagaw sa gihapon siya nga magbalik sa iya trabaho.
Suno pa sa actress, nagakadapat lamang nga mataas ang sweldo sang mga senador kun ginahimo nila sang eksakto ang ila nga trabaho.
Apang suno diri, kun wala sila nagtrabaho, dapat sila nga manabat.
