-- ADVERTISEMENT --
Ginpakigbahin ni Atty. Israelito Torreon, legal counsel ni Senator Ronald “Bato” Dela Rosa ang ila pag-file sang manifestation sa Supreme Court paagi sa e-filing, kahapon, Oktubre 27.
Suno diri, naghingyo ang ila nga kampo nga iresolba sang korte ang ila ‘motion for reconsideration’ kasubong man ang pagrekonsidera sang Temporary Restraining Order (TRO).
Madumduman sa nauna nga manifestation ni Senator dela Rosa, ginbasura sang Korte Suprema ang hingyo sini nga magpagwa sang TRO.
Ini ang wala ginpaburan sang korte bangud kulang sa merito ang mosyon sang senador.
Sa pinakabag-o nga manipestasyon, naga-request ini nga bawion ang nauna nga desisyon sang Supreme Court.
-- ADVERTISEMENT --
