Narecover ang balor P2.3 million nga balor sang illicit cigarette gikan sa gin-abandonar nga pickup truck sa San Juan Bonifacio, Brgy. 5, San Carlos City alas-11:30 kaina sang aga.
Sa interview sang Bombo Radyo Bacolod kay Police Captain Rodney Sarona, deputy chief of Police sang San Carlos City Police Station, ginreport sa ila sang 66 anyos nga si Alyas Romy, resident sa Campo Siete, Brgy. 5, San Carlos City, ang natuhoy sa abandonado nga salakyan.
Sa pagtsekyar, may nakita sila nga nagdalagan kag ginbayaan lamang sa kilid sang dala ang pick-up nga may karga nga madamo nga karton sang illegal nga sigarilyo.
Suno kay Sarona, ginabacktrack na nila ang mga CCTV footages sa kalapit nga mga lugar, agud matumod ang identity sang nagpalagyo nga driver.
