Patay ang 53 anyos nga lalaki matapos ginluthang sang wala makilal-an nga mga suspek sa sulod sang balay sang biktima sa Proper, Baragna Minautok, Calatrava Negros Occidental, sang Miyerkules, alas- 6:00 sang gab-i.
Ang biktima amo ang mangunguma nga si alias Gerry.
Sa interview sang Bombo Radyo kay PLt Dwight Fajardo, deputy chief of police sang Calatrava Municipal Police Station, manyapon na kun tani si Gerry kaupod ang bata sini nga babayi nga PWD sang may nabatian sila nga may nanuktok.
Ginbuksan ni Gerry ang pwertahan kag gilayon nagsulod ang tatlo ka persona nga naka-bonnet.
Gintiro sang mga suspek si Gerry sang duha ka beses sa dughan kag isa ka bes sa nawong.
Suno kay Fajardo, wala sang record sa barangay kag wala man sang may nahibaloan nga may kontra si Gerry lugar.
Sa karun padayon ang imbestigasyon sa pagtumod sa mga suspek kag motibo sa pagpatay.
