Hugot nga ginpanginwala ni Senator Francis “Kiko” Pangilinan ang mga espekulasyon nga gina-angot siya sa ginaalegar panibag-o nga kudeta sa liderato sang Senado, kag ginpaathag nga wala ini sang interes mangin Senate president.
Sa Facebook post sang senador, ginpahayag sini nga mas luyag niya nga tutukan ang problema sa food security sangsa mag-intra sa agaway sa liderato sang Senado.
Naggwa ang pahayag matapos ginreport nga may pila ka mga senador ang nagaplano agud liwat nga ilisan si Senator Alan Peter Cayetano pila ka adlaw lamang matapos ini gin-elect bilang Senate President kabaylo ni Senator Vicente Sotto III sang Mayo 11.
Santo sa report, may pila ka mga senador ang indi kumbinsido sa estilo sang leadership ni Cayetano kag nagaduda kun sarang ini makahimo sang paagi nga maghiliusa ang tanan nga Senador sa nabilin nga mga tinuig sang administrasyon ni President Ferdinand “Bongbong” Marcos Jr.
Nauna na nga nakakas si Pangilinan bilang chairperson sang Senate committee on agriculture, food and agrarian reform kasunod sang pagbag-o sa liderato sang Senado
