Alkalde sang Bacolod, ginkondenar ang pagsakit sang amay sa iya pito ka tuig nga bata nga babayi

Ginkondenar ni Bacolod City Mayor Greg Gasataya ang pagpanakit sa pito ka tuig nga babayi sang iya mismo nga amay.

Suno sa alkalde, naesturya sini ang amay kagab-i kag indi estable ang iya sabat.

Suno diri, ang rason sang amay sa ginhimo niya amo nga nagbugtaw ini kag wala niya nakita ang iya bata kag nadugayan pa antes niya nakita ini.

Suno kay Gasataya, na-locate na ang lola sang bata kag gin-akigan pa sang lola ang amay.

Pagabuligan sang city government ang lola sa pagpasaka sang kaso batok sa amay para mapasabat ini sa ginhimo niya sa iya bata.

Pahayag ni Gasataya, bisan ano nga pasaway sang bata, indi rason nga sakiton ini sang sobra-sobra.