Ginpahayag sang NBA Team nga nagseparar na ang Dallas Mavericks sa ila head coach nga si Jason Kidd matapos nakasugtan sang magtimbang nga bahin.
Suno sa team, gilayon sila nga magasugod sa pagpangita sang masunod nila nga head coach.
Nakaupod sang Dallas si Kidd sa sulod sang lima ka seasons kun sa diin nakalab-ot sila sa Western Conference finals sang 2022 kag NBA Finals sang 2024 sa idalom sang iya pagiya.
Apang ang 26-56 campaign sa una nga full season sang Maverick halin sang gin-trade nila ang Slovenian star nga si Luka Doncic sa Los Angeles Lakers sang February 2025.
Sang April, ginpahayag ni Kidd nga indi ini kabahin sang proseso sang pagpadala kay Doncic sa Lakers kabaylo ni Anthony Davis.
Sang November, ginkakas naman sa pwesto ang Mavericks general manager nga si Nico Harrison matapos sini ginpangunahan ang natumod nga trade.
