50 anyos nga Bacolodnon, nakuhaan sang masobra P400K nga balor sang suspected shabu sa banwa sang Murcia

Arestado ang 50 anyos nga Bacolodnon matapos makuhaan sang masobra P400,000 nga balor sang suspected shabu sa Prk Old Barrio, Brgy Sta. Rosa, Murcia.

Ang drug buybust operation ang ginpatigayon sang Regional Special Enforcement Team sang Philippine Drug Enforcement Agency – Negros Island Region (PDEA-NIR).

Ang subject person ang ginkilala lamang nga si Alyas Nonong, 50 anyos, wala sang trabaho, kag residente sang Prk Kagaykay, Brgy 2, Bacolod City.

Narecover sa iya ang 63 gramos sang suspected shabu, nga ginabanta nagabug-at sang 63 gramos nga may standard drug price nga P428,400.