Russia, nagpaandam sa pag-atake sa Ukraine bilang sabat sa nauna nga drone attacks sang Ukraine nga nakapatay sang 18

Nagpaandam ang Russia nga maglunsyar sang asod-asod nga pag-atake sa mga pasilidad sang depensa sa Kyiv, Ukraine bilang sabat sa drone attack sang Ukraine nga nagtuga sa pagkapatay sang 18 ka mga indibidwal sa Luhansk region.

Suno sa Russian Ministry of Defence, target sang ila nga operasyon ang mga lugar kun sa diin ginahimo kag ginahanda ang mga drone sang Ukraine.

Ginpaabisohan man sang Russia ang mga foreigners, kalakip ang mga diplomat kag international organizations, nga gilayon magbakwit sa Kyiv.

Samtang, ginpahanugyan man ang mga residente sang Kyiv nga maglikaw sa mga military kag government facilities samtang nagapadayon ang tensyon sa tunga sang duha ka pungsod.