Preparado na ang ciudad sang Bacolod sa pag-host sang FIBA U-18 Women’s Asia Cup SEABA Qualifiers nga maga-umpisa sa Hunyo 2 tubtob Hunyo 6, 2026.
Kalakip sa magapartipisar nga teams amo ang Indonesia, Singapore, Thailand, Vietnam kag national team sang Pilipinas.
Ang official games ang pagahiwaton sa STI West Negros University Gymnasium.
Sa interview sang Bombo Radyo kay Bacolod City Administrator Atty Mark Steven Mayo, bwas nga adlaw, maga-abot na ang mga delegates nagikan nagkalainlain nga pungsod.
Ginpaathag ni Atty Mayo nga libre ang tickets nga ipanagtag kun sa diin 4,000 tubtob 4,500 ang kapasidad agud makontrol ang veneu kag malikawan ang tuman kagutok.
Suno kay Atty Mayo, iga-anunsyar ni Bacolod City Mayor Greg Gasataya kun diin kag san-o ipanagtag ang mga tickets antes paman ang pagbukas sang aktibidad.
Suno diri, nagapasalamat ang alkalde bangud napilian ang ciudad sa una nga kahigayunan nga maga-host sang FIBA U-18 Women’s Asia Cup SEABA Qualifiers.
