Ginpangabay ni Vice President Sara Duterte sa Senate Impeachment Court nga ibasura ang Articles of Impeachment batok sa iya kag ginpanindugan nga may “fatal constitutional, procedural, kag substantive defects” ang mga ini.
Sa isa ka malaba nga response nga ginsumiter sang iya nga abogado sa Senado kahapon, Hunyo 1, ginpahayag ni Duterte nga wala nasunod ang standard sang Konstitusyon.
Isa sa argumento sang kampo ni Duterte amo ang paglapaw sang otoridad sang House Committee on Justice, matapos sini magpatigayon sang “mini-trial”.
Santo sa depensa, ang kamara lamang ang may gahum para magpatigayon sang impeachment proceedings, samtang ang Senado naman ang may katungdanan nga magpatigayon sang trial kag pagdesisyon sa kaso.
Suno diri, ginlapas man ang kinamatarong sang Bise Presidente sa due process bangud may mga bag-o nga ebidensya nga ginpagwa sa trial nga wala man nalakip sa orihinal nga reklamo.
Ginpanginwala man sang Bise presidente ang tanan nga alegasyon nga nalakip sa mga artikulo.
