Patay ang 57 anyos nga lalaki, pedicab driver matapos nga malumos sa Park Marina, Brgy. 3, San Carlos City, Negros Occidental sang Hunyo 1.
Ginkilala ang biktima kay Benjie Rosana, 57 anyos, lalaki, kasado, pedicab driver, kag residente sang Hope St., Brgy. 5, San Carlos City, Negros Occidental.
Sa interview sang Bombo Radyo Bacolod kay Police Captain Rodney Sarona, Deputy Chief of Police sang San Carlos City Police Station, nagpadulong ang bata sang biktima sa police station agud nga magpahibalo nga nalumos ang amay sini.
Suno kay Sarona, ang biktima ang nagpaligo sa nasambit nga Park kag nagkadto sa madalom nga bahin.
Wala man nagdugay nakibot nalang ang mga kaupdanan sini sa paglangoy nga nalumos-patay ang biktima.
Ginpahayag man ni Sarona nga kabalo man maglangoy ang bata apang ginkakibot sang upod sini paligo nga nalumos ini.
Wala man ang biktima nag-inum sang makahulubog nga ilimnon sang nagpaligo.
Nagpanugyan ini sa mga magapaligo nga magdala sang proteksyon sa lawas kaangay sang salbabida kun magpaligo.
Dugang pa sini nga likawan gid mag-inum sang makahulubog nga ilimnon antes magpaligo sa resort ukon sa diin man bangud ini man ang isa ka rason nga nagluntad ang aksidente.
