Tuman ang pagpasalamat sang aktres nga si Kim Chiu sa mga nagsuporta kag nagpalangga sa iya sa sulod sang 20 ka tuig niya sa showbiz.
Suno kay Kim, nga tubtob sa karon daw indi ini makapati nga nalab-ot niya ang nasambit nga milestone.
Ginbalikan sang actress-TV host kun paano nagsugod ang iya career kag kun paano ginbag-o ang iya kabuhi.
Pahayag niya, nga isa lang siya sadto ka bata nga babayi nagikan sa Cebu nga nagapangamuyo para sa iya mga handum nga maka-eskwela, makaangkon sang balay, kag makabulig sa iya pamilya.
Suno pa sa aktres nga halos imposible sadto ang amo nga mga handum apang sa karun, nagakabuhi na siya sa reyalidad sini.
Nagsugod ang showbiz career ni Kim matapos sia nga nagpasakop sa reality TV show nga “Pinoy Big Brother” sang 2006.
Kasunod sini, nangin female sa pila ka mga kilala nga pelikula.
