Padayon nga nagasaka ang numero sang mga ginbawian sang kabuhi matapos mag-igo ang magnitude 7.8 nga linog sa pila ka bahin sang Mindanao sang Hunyo 8.
Santo sa Office of the Civil Defense (OCD), nagdangat na sa 46 ang numero sang mga napatay, samtang 630 naman ang pilason kag 17 ang wala pa gihapon nakit-an.
Padayon man ang ginapatigayon nga search and rescue operations sa mga lugar nga tuman nga naapektohan sang kalamidad.
Naghanda ang Department of Labor and Employment (DOLE) sang tubtob P15,000 bulig-pinansyal para sa mga mamumugon nga naapektuhan sang kalamidad.
Samtang, mahimo makabaton man sang P30,000 funeral assistance ang mga pamilya sang napatay nga mga mamumugon.
Kalakip sa mga pinakaulihi nga biktima amo ang isa ka empleyado nga naipit sa natiphag nga supermarket sa General Santos City.
