Isa ka atleta ang liwat nga nakaangkon sang Guinness World Record matapos magpanaug sa hagdanan nga may 100 ka tikang sa sulod sang 44.71 seconds gamit lamang ang iya mga kamot, sa Yunyang, Chongqing, China.
Ang atleta ang ginkilala nga si Hari Chandra Giri, isa ka Nepalese athlete nga mahilig mag-handstand.
Suno kay Giri, luyag niya nga mapakita ang kontrol kag kadasigun sa hand balancing, apang ginpahayag sini nga dako ang posibilidad nga madisgrasya sa ini nga sahi sang aktibidad gani kinahanglan ang safety support.
Tanyag man ang atleta sa iban pa gid nga record kaangay sang pinakamadasig magpanaug sa hagdanan nga may 50 ka tikang gamit ang mga kamot samtang nagaperform sang nagkalain-lain nga handstand challenges nga nagapakita sang iya pinasahi nga abilidad sa acrobatics.
