Ginkilala ni President Ferdinand “Bongbong” Marcos Jr. ang liderato ni Sen. Sherwin Gatchalian sa ginpatigayon nga pagselebrar sang ika-128 nga ‘Araw ng Kalayaan’ sa Quirino Grandstand sa Maynila kahapon.
Sa iya nga speech, ginmensyonar ni Marcos si Gatchalian bilang Senate President Pro Tempore, samtang personal nga nagtambong ang senador sa seremonya.
Madumduman nga gindeklarar sa isa ka sesyon sa Senado sang Hunyo 3 ang quorum base sa desisyon sang Korte Suprema sa kaso nga Avelino v. Cuenco sang 1949, sa diin nabakante tanan nga posisyon kag gin-elehir si Gatchalian bilang Senate President Pro Tempore kag ginakabig nga acting Senate President sang mga nagtambong nga senador.
Apang ginpanindugan ni Senator Alan Peter Cayetano nga siya gihapon “lehitimo” nga Senate President.
