-- ADVERTISEMENT --
Ginpahayag ni U.S. President Donald Trump nga may natabo na nga kasugtanan sa tunga sang Estados Unidos kag Iran, kasunod sang duha ka adlaw nga airstrikes kag pamahog sa Kharg Island, nga oil hub sang Iran.
Apang, ginpanginwala ini sang mga opisyal sang Iran.
Santo sa Iran, nagapadayon pa ang negosasyon kag ginsambit nga halos tapos na ini apang may mga pagbag-o pa nga ginadugang ang Estados Unidos.
Pahayag naman sang Israel, wala sila nalakip sa anuman nga bag-o nga kasugtanan sa tunga sang U.S. kag Iran.
Ginalauman mapatigayon ang pormal nga pagpirmahanay sang kasugtanan sa Europa sa mga masunod nga inadlaw, suno kay Trump.
-- ADVERTISEMENT --
