Ginpakamaayo sang school principal sang Antonio L. Jayme Elementary School ang pagpain sang gobyerno sang P19.5 billion nga pondo agud ibakal sang textbooks sang mga estudyante.
Sa interview sang Bombo Radyo Bacolod kay Rizalie Salaver, nagnubo ang enrollees sa A.L. Jayme Elementary School subong nga School Year.
Suno kay Salaver, nagdangat sa 2,878 ang enrollees sa School Year 2026-2027 kag ini ang may pagnubo sang 167 sa kindergarten.
Isa sa mga factor nga ginalantaw sini nga nakatuon na mag-family planning ang madamo nga pamilya.
Suno diri mas maayo man nga may tag-isa nga libro ang mga kabataan, nga madala nila pauli agud mas matun-an nila sang maayo.
Sa karun, may nagakaigo man nga learning materials ang mga bata bangud may ginahatag man sa ila nga printed materials para sa ila nga activities.
Sa pihak nga bahin, nagapadayon ang panawagan sang school principal nga pa-eskwelahon na ang mga estudyante nga wala pa nakasulod humalin sang tinalikdan nga semana.
