Ginalantaw sang Department of Agriculture (DA) nga posible magnubo ang gasto sa pagpanguma kag magahagan-hagan ang pressure sa agrikultura sa Pilipinas kasunod sang pagbukas liwat sang Strait of Hormuz.
Suno kay Agriculture Secretary Francisco Tiu Laurel Jr., kun mabuksan na ang amo nga alagyan sang mga barko nga may karga nga langis, magabuhin man ang gasto sa inputs sa produksyon kag ang pagbyahe sang agricultural commodities.
Maayo ini nga balita suno sa DA bangud nga ginapreparahan na subong ang bag-o nga planting season.
Halin sang nagluntad ang kagamo sa Middle East sang ulihi nga bahin sang Pebrero, ginpahayag sang DA nga nagsaka gid ang gasto sa krudo, abono, kag kargamento, nga nagadugang sang pressure sa pagsaka sang presyo sang mga pagkaon.
