Nagahanda ang mga estudyante sang Ateneo de Manila University nga magpatigayon sang community walkout subong nga Biyernes agud ipanawagan ang hustisya, accountability, kag transparency angot sa pagkapatay sang student-athletes nga sanday Rene Baterbonia kag Divine Adili.
Suno sa student council sang Loyola Schools, nagapabilin nga madamo sang palamangkutanon tuhoy sa insidente kag sa nangin tikang sang unibersidad.
Nagapanawagan man ang mga graduating students nga magsuksok sang itom nga armband sa ila nga graduation bilang simbolo sang pagpakig-unong sa mga pamilya sang duha ka atleta.
Samtang, padayon ang panawagan sang komunidad sang Ateneo para sa mas maathag nga eksplinasyon kag accountability halin sa administrasyon.
Nagpatigayon man ang unibersidad sang town hall meeting sang nakaligad nga adlaw agud talakayon ang natabo nga insidente.
