Ginlutos sang Filipina Tennis Star nga si Alex Eala ang two-time Grand Slam champion kag world No. 2 nga si Elena Rybakina sa straight sets, 7-5, 6-4, sa round of 16 sang 2026 Berlin Open.
Sa nasambit nga hampang sa WTA 500 tournament, na alang-alang si Eala sa una nga bahin sang first set kag nagpanaog pa sa 1-4 batok kay Rybakina nga ginkilala sa mabaskog nga serve.
Apang wala nagpapierde ang 21-anyos kag nakabawi paagi sa asud-asud nga daog agud makuha ang una nga set, 7-5.
Sa second set, nauna na naman si Eala kag naka-abanse 4-2 kag nagapabilin nga mabaskog kag gintapos ang hampang sa sulod sang 1 oras at 32 minuto, 6-4.
Bangud sini, abanse na si Eala sa quarterfinals sang torneo kag paga-atubangon si Elina Svitolina.
Madumduman nga ini ang ikaduha nga beses nga ginpierde ni Eala ang World No. 2 player.
Sang nakaligad nga tuig, nakarecord man siya sang dako nga upset batok kay Iga Swiatek sa Miami Open na nagdala sa iya sa semifinals.
