Nagpanindugan si Senator Rodante Marcoleta nga indi ini magabato sa tion nga arestuhon man ini sa ulihi.
Suno kay Marcoleta, magasungka ini sang matawhay sa mga otoridad sa tion nga may yara ini sang arrest warrant batok sa iya.
Madumduman nga ang Office of the Ombudsman pa lamang ang mga nagaimbestigar sa mga reklamo batok kay Marcoleta kag wala pa sang gin-file nga actual case batok sa senador.
Nagpanindugan man si Marcoleta nga posible nga may ginpagwa nga warrant of arrest batok sa iya kag dalayon na siya nga arestuhon sang mga otoridad.
Kun matabo ini, indi na siya magpamalibad bangud katungdanan sang arresting officer nga ipatuman ang warrant.
Magluwas sini, nakahibalo man ini sa mga pagsulundan sa pag-aresto sa isa ka indibidwal.
Nagapangatubang man si Marcoleta sa plunder and indirect bribery complaints sa Office of the Ombudsman.
Ini ang bangud sa gina-alegar nga kapaslawan nga i-disclose ang P75 million nga campaign donations nga iya nabaton nagikan kanday Mike Defensor kag duha pa ka businessmen sa iya nga 2025 senatorial campaign.
Ang nasambit nga reklamo ang wala pa sa karun napasaka sa bisan diin nga korte.
