Liwat nga nagpanawagan si Senate President Sherwin Gatchalian nga dumilian ang paggamit sang social media sa mga menor de edad nga naga-edad 16-anyos panaog, kasunod sang insidente sang pagpangluthang sa Tacloban City sang Lunes.
Suno kay Gatchalian, isa sa iya mga proposal sa Senado ang pagban sang social media sa mga minors matapos ang panguna nga imbestigasyon sa Grade 9 student nga isa sa mga suspek nga nagahampang sang GoreBox, isa ka mobile game nga may bayolente nga tema kag mga gore effects.
Dugang pa sini, dako ang epekto sang social media kag violent games sa mental health sang mga kabataan.
Suno sa Police Regional Office 8, ginfilan na sang criminal complaint ang 15-anyos nga suspek kag yara na ang duha sa kustodiya sang City Social Welfare and Development Office.
