Gindeklara ni Venezuelan interim leader Delcy Rodríguez ang state of emergency matapos nag-igo ang duha ka mabaskog nga linog sa Venezuela nga ginkamatay sang indi magnubo sa 164 ka tawo kag kapin 971 ang pilason.
Posible pa nga magsaka ang numero sang mga biktima samtang nagapadayon ang rescue operations.
Santo sa report, halos dungan nga nag-igo ang duha ka linog nga ginasiling pinakamabaskog nga linog sa pungsod humalin pa sadtong 1900.
Nabatyagan ini sa nagkalain-lain nga bahin sang Venezuela, apang ang pinakadako nga halit ang narecord sa Caracas kag sa mga kalapit nga lugar.
Santo sa otoridad, masobra 30 na ka aftershocks ang narecord kag ginpaandaman na ang mga residente nga magbakwit sa luwas nga lugar.
Suspendido naman ang operasyon sa airport, metro, kag tren matapos makaeksperyensya sang pagkaguba sang mga imprastraktura.
Padayon pa sa karon ang pagpangita sa mga posible nga natrap sa mga natiphag nga mga establisyemento samtang nagainabot naman ang bulig naggikan sa iban nga pungsod kalakip ang search and rescue teams kag humanitarian aid.
