Ginpasalig sang Committee on Environment and Ecology Chairperson sa Bacolod City Concil nga estrikto katama ang inspection sa slaughter house sa pagpasiguro nga ang tanan nga karne nga ginabaligya sa merkado ang hilway sa African Swine Fever (ASF).
Sa interview sang Bombo Radyo kay Councilor Homer Bais, ginpahayag sini nga safe kaunon ang tanan nga kasapatan nga nagalabay sa slaughter house.
Bangud, gina-inspect ini sa mga personnel kun diin nagikan kag kun kompleto ang papeles.
Gani ginapanugyan sang Konsehal sa mga manugbakal nga mas pilion nga magbakal sa mga merkado kag pilion ang may tatak nga nagakahulugan nga ini ang naglabay sa slaughter house.
Nagpaandam man ini nga kun tuman ka barato ang karne sang baboy posible nga ini ang infected sang ASF kag ginhingagaw nalang pa-ihaw.
Suno kay Bais, activated naman ang pila ka Barangay nga kabahin sa pag-inspect sa mga baboy sa ila nga nasakupan.
Paathag ni Bais nga sa subong, wala pa sang reported nga kaso sang ASF sa ciudad sang Bacolod.
