-- ADVERTISEMENT --
Indi magnubo sa onse ka indibidwal ang ginbawian sang kabuhi matapos naghugpaas ang isa ka eroplano nga ginagamit sa skydiving sa Tomblaine sa northeastern France, santo sa mga lokal nga otoridad.
Suno kay Yves Seguy, prefect sang Meurthe-et-Moselle region, nagtibusok ang eroplano pasado alas-11:00 sang aga, kahapon, sa mahilamon nga bahin malapit sa Nancy-Essey aerodrome.
Sakay sini ang piloto, kag napulo ka pasahero, kalakip ang lima ka estudyante kag lima ka instruktor, nga lunsay nautas ang kabuhi.
Wala naman sang naigo nga mga pamalay sa insident, suno sa mga otoridad.
Gilayon naman ang nagresponder ang mga emergency services samtang padayon ang imbestigasyon sa gintunaan sang pagtibusok sang eroplano.
-- ADVERTISEMENT --
