Pila sa mga iloy suportado ang pag-ban sang “violent” online games nga naga-apekto sa pamatasan sang mga kabataan nga mangin bayolente.
Sa interview sang Bombo Radyo kay Rachel Ann, may bata ini nga lalaki nga naga-edad sang walo kag naga-eskwela bilang grade 2 pupil.
Suno diri, nagahampang sang online games ang iya bata apang wala man sang mahambal nga may pagbag-o sa batasan sang bata.
Suno kay Rachel, kun kaisa lamang nagahampang ang iya bata sang roblox kag indi malikawan nga kun sawayon niya ini, nagapangakig ang iya bata amo nga ginapatapos niya na lamang ang hampang kun kaisa antes kuhaon ang cellphone.
Pahayag sang iloy, suportado niya ang ginaduso nga pag-ban sa mga bayolente nga online games bangod sa mga nagakatabo sa karun sa mga kabataan nga nagaka-apektohan ang ila batasan.
