Ginahulat pa ang desisyon sang Sangguniang Panlungsod sang Bacolod City angot sa request sang City Government sang Victorias City nga mahaboy sang 30 cubic meters sang residual waste kada bulan sa sulod sang isa katuig sa sanitary landfill sang ciudad.
Sa interview sang Bombo Radyo Bacolod kay Bacolod City Councilor Homer Bais, chairperson sa Committee on Environment and Ecology, nabaton na ang Memorandum of Agreement kag Contract sang Committee on Laws nga ginapamanuan ni Bacolod City Councilor Al Espino.
Suno kay Bais, wala pa nakadesisyon ang SP bangud mamangkot pa ang mga ini angot sa mga kondisyon sang MOA.
Suno diri pila sa kinahanglan ipamangkot kun makaya sang sanitary landfill kag mangayo pa sila sang report sa Bacolod Environment and Natural Resources Office bangud madamo sang kinahanglan ikonsiderar antes maghatag authority sa MOA.
Dugang pa may yara pa sang consultations nga himuon antes sila makahatag otoridad nga mahimo makahaboy sang basura ang Victorias City sa Bacolod City.
