28 ka persona, patay matapos masunog ang factory sang sapatos sa China

Indi magnubo sa 28 ka tawo ang napatay matapos magluntad ang sunog sa isa ka paktoryahan sang sapatos sang Huwebes, sa Huiteng Shoes factory sa Jinjiang City, Fujian Province sa China.

Suno sa state media sang China, nagdeploy sang masobra 180 ka mga bumbero kag rescue workers kalakip ang 35 emergency vehicles agud ipatigayunon ang operasyon sa lugar.

Gindeklarar na nga fire out sang gab-i.

Nagpaandam si Chinese President Xi Jinping nga mahimo masaka pa gid ang numero sang mga nautas ang kabuhi gani nagmando ini sang gilayon nga imbestigasyon sa insidente kag pasabton ang mga responsable.

Base sa inisyal nga imbestigasyon, mahimo madasig ang paglapta sang kalayo bangud sa mga materyales nga ginagamit sa paghimo sang sapatos.