Hindi magnubo sa 28 ka indibidwal ang napatay samtang masobra 71 naman ang pilason sa nagluntad nga sunog sa isa ka bar sa Bangkok, Thailand sang Dominggo sang gab-i.
Ang sunog ang naghalin sa stage nga madasig nga naglapta sa bug-os nga kwarto santo sa mga nakasaksi.
Makita sa mga footage sa online ang pag-panic kag pagsinggitan sang mga customer samtang nagadalagan paggwa sa bar.
Gilayon man nga napalong sang mga bumbero ang kalayo sang ini ang nagresponder sang kaagahon.
Nasapwan sang mga otoridad ang pila ka mga bangkay sa banyo.
Suno sa mga otoridad, nadulaan sang kuryente gani mas nagpanic ang mga tawo.
Santo sa inisyal nga imbetigasyon sang disaster mitigation department sang Bangkok, ang gintunaan sang kalayo ang posible bangud sa electrical short circuit sa air conditioner, apang indi pa ini kumpirmado.
Nahibaluan nga sang 2022, may sunog nga nagluntad sa isa ka banwa sa bangkok sa diin napatay ang 22 ka tawo.
Sang 2009 naman, 66 ka indibidwal ang nautas ang kabuhi sa isa ka nightclub sa Bangkok, kag masobra 200 ang pilason, samtang nagasaulog sang New Year.
Samtang, sang 2004, nagkalamatay ang kapin 1,000 ka mga kasapatan sa nagluntad nga sunog sa Chatuchak market bangud sa electrical short circuit.
