Ginkilala ang Bacolod City Fire Station bilang Top 5 finalist para sa Best City Fire Station sa bilog nga Pilipinas.
Sang Hulyo 10, sa idalom sa pagpamuno ni Bacolod City Fire Superintendent Jenny Mae Masip, ang Bacolod City Fire Station ang ginpaidalom sa comprehensive evaluation kag napilian bilang isa sa Top 5 finalists para sa Best City Fire Station sa Pilipinas gikan sa 149 City Fire Stations nationwide.
Sa interview sang Bombo Radyo kay Fire Superintendent Jenny Mae Masip, City Fire Marshal sang Bacolod City Fire Station, ginpahayag sini nga ini ang labing una nga kahigayunana nga nangin Top 5 finalists ang Bacolod City Fire Station.
Suno diri, madamo sang criteria ang ginabasehan sang evaluators sa pagpili sang Top 5 finalists.
Lakip na diri ang administrative compliances, documentary, financial kag logistical requirements, kasubong man ang Emergency Medical Services (EMS) responses kag special operations.
Dugang pa, isa man sa pinaka una nga requirements nga ang fire station ang yara sa isa ka highly urbanized city kag may nagakaigo nga substations.
Suno diri, lakip man sa 5 percet criteria ang accomplishment kag best practices kaangay sang kalimpyo sang fire station, mga opisina kag mga equipments sang fire trucks.
Pahayag ni Masip nga indi ini malab-ot sang Bacolod City Fire Station kun wala ang padayon nga suporta sang Bacolod City Local Government Unit (LGU).
