Liwat naman nga nagluntad ang panibag-o nga tensyon sa tunga sang Yemen kag Saudi Arabia matapos maglunsyar ang Houthis (Yemeni Rebel Group) sang mga missile nga gintarget ang Abha International Airport sa southwest nga bahin sang Saudi Arabia sang Lunes.
Suno sa Houthis, sabat ini sa air strikes sa Sanaa International Airport sa capital sang Yemen nga ila ginbasol sa Saudi Arabia.
Ginpahayag naman sang Saudi-led coalition nga nabalabagan sang ila air defense ang mga missile kag wala sang may narecord nga casualty.
Ginpahayag sang gobyerno sang Yemen nga ang pag-atake sa Sanaa airport ang ginhimo agud mapunggan ang paghugpa sang eroplano sang Iran nga ginaalegar naglapas sa mga pagsulundan sa kahawaan sang Yemen.
Ginpanginwala ini sang mga Houthi kag ginpanindugan nga ini ang kabahin sang agresyon batok sa ila.
Madumduman nga ang Yemen ang nag-sufrer sa nangin epekto sang civil war batok sa Houthis humalin sang 2014, sa diin kapin 150,000 ang napatay kag masobra 22 million ka yemeni ang nagkinahanglan sang bulig suno sa United Nations.
