Napatay bangod sa Ebola outbreak sa DR Congo, malapit na magdangat sa isa ka libo

Malapit na sa isa ka libo ang napatay bangud sa Ebola sa Democratic Republic of Congo (DRC), suno sa health ministry sang pungsod.

Ginkumpirmar sang National Institute of Public Health sang Congo kahapon ang ika-999 nga napatay humalin sang nag-umpisa ang outbreak sang Bundibugyo strain sang virus sang Mayo.

Suno sa World Health Organization (WHO), duha man ka indibidwal ang napatay sa virus sa Uganda.

Suno sa Health Ministry, 2,473 ka kaso na ang na-record samtang 737 ka pasyente ang nagapabilin sa isolation kag mga ospital.

Nagpaandam si WHO Chief Tedros Adhanom Ghebreyesus nga nagdasig ang paGlapta sang outbreak sang virus sang nakaligad nga bulan.

Ang ebola ang nagalaton paagi sa close contact ukon sa mga bodily fluids.