Livestream link sang “LeBron James Introductory Press Conference” nga natalana kuntani sa Hulyo 27, aksidente nga napost sa YouTube channel sang Miami Heat

Ginklaro sang Miami Heat nga aksidente nga na-post sa ila YouTube channel ang live-stream link nga may tigulo “LeBron James Introductory Press Conference”, nga natalana kuntani sa Hulyo 27.

Gilayon man nga ginkakas ang nasambit nga post.

Suno sa spokesperson sang team, ginhanda lamang sang social media team ang posible nga pagbalik ni Lebron James sa Miami, apang indi hungod nga na-publish ang link.

Ang 41-anyos nga player ang nangin free agent matapos ginbuyagyag sang tinalikdan nga bulan nga indi na ini liwat mag renew sa Los Angeles Lakers.

Naghampang si Lebron sa Miami Heat humalin sang 2010 tubtob 2014 kag ginbuligan ang koponan nga makadaug sang duha ka NBA championships.

Magluwas sa Miami Heat, kalakip man sa mga posible nga destinasyon ni Lebron ang Philadelphia 76ers, Cleveland Cavaliers, kag Golden State Warriors.

Sa sulod sang 23 seasons sa NBA, uyat sini ang record bilang all-time leading scorer sa liga.