Pilipinas, naqualify sa FIFA Women’s World Cup 2027

Qualified ang Pilipinas sa FIFA Women’s World Cup 2027 nga patigayunon sa masunod nga tuig sa Brazil, kasunod sang maragtason nga debut sadtong 2023 sa diin naka-record ang koponan sang pungsod sang labing-una nga goal kag kadalag-an sa torneo.

Isa ang Pilipinas sa duha lamang ka pungsod sa Southeast Asia nga nalakip sa magkasunod nga edisyon sang Women’s World Cup.

Samtang, nagapabilin nga nagapanguna sa world rankings ang Spain matapos makuha ang titulo sang 2023 paagi sa 1-0 nga kadalag-an batok sa England.

Kalakip sa mga stars sa koponan sanday Ballon d’Or winners Aitana Bonmati kag Alexia Putellas.

Sa karon, 14 ka pungsod ang nakakuha sang pwesto sa 2027 FIFA Women’s World Cup, samtang automatic nga na-qualify ang host country nga Brazil.