Nagapabilin gihapon nga yara sa Tropical Cyclone Wind Signal No. 2 ang pila ka mga lugar karun nga yara na sa coastal waters sang Calayan, Cagayan ang Tropical Storm KIYAPO.
Alas-2:00 sini nga hapon, ulihi nga nasiplatan ang mata sang bagyo sa baybayon sang Camiguin Island, Calayan, Cagayan.
Dala sini ang kabaskugon sang hangin nga nagadangat sa 75 km/h kag pagmadlos nga tubtob 90 km/h.
Ini ang nagahulag padulong sa West Northwestward nga dereksyon sa kadasigon nga 25 km/h.
Yara gihapon sa Signal No 2 ang Batanes, northern portion sang Cagayan kalakip ang Babuyan Islands, northern portion sang Apayao, kag northern portion sang Ilocos Norte.
Signal No 1 naman sa nabilin nga bahin sang mainland Cagayan, Isabela, Quirino, Nueva Vizcaya, nabilin nga bahin sang Apayao, Abra, Kalinga, Mountain Province, Ifugao, Benguet, nabilin nga bahin sang Ilocos Norte, Ilocos Sur, kag La Union, kasubong man sa northern kag central portions sang Aurora.
Lauman ang mabaskog nga hangin kag pag-ulan sa Ilocos Norte, Batanes, kag Babuyan Islands bangod sa Bagyo KIYAPO.
Mamadlos man ang hangin kag maulanon ang panahon sa Cordillera Administrative Region, nabilin nga bahin sang Cagayan Valley, Ilocos Sur, La Union, kag Aurora bangod man sa Bagyo.
Samtang may pa untat-untat naman nga ulan sa Zambales, Occidental Mindoro, Palawan, Antique, Iloilo, Guimaras, kag Negros Occidental nga epekto sa Southwest Monsoon ukon Hangin Habagat.
Ginalauman nga ang Bagyo KIYAPO ang magapabilin sa west northwestward nga hulag padulong sa Luzon Strait tubtob bwas, antes magliko sa northwestward tubtob sa northward.
Ginalauman nga maglabay ang sentro sang bagyo malapit ukon mahimo man maglandfall sa vicinity sang Babuyan Islands sa masunod nga 12 oras.
Ang Bagyo ang magwa na sa Philippine Area of Responsibility (PAR) bwas sa aga.
