Ginkasugtan paagi sa pagbotohay sang mga katapo nga pungsod sang International Criminal Court (ICC) nga i-dismiss si Karim Khan bilang prosecutor matapos ang mga alegasyon sang sexual misconduct batok sa iya.
Suno sa mga sources, 82 sa 125 ka mga member states ang nagboto pabor sa pagpakakas sang nasambit nga prosecutor.
Ginpanginwala naman sang 56-anyos nga si Khan ang tanan nga alegasyon.
Ginpakigbato man sang iya mga abogado nga isa ka paglapas sa layi ang nangin botohay.
Suno pa diri, wala man sang supisyente nga ebidensya nga nagasuporta sang mga alegasyon.
Nauna na nga nagdesisyon ang oversight body sang ICC sa pagpakakas kay Khan bangud sa sekswal nga pakigrelasyon sa isa ka junior lawyer sang korte.
Matapos ang dismissal ni Khan, nagpanawagan ang Estados Unidos sang diplomatiko nga kampanya nga bungkagon na ang ICC bangud isa ini ka pahog sa soberanya sang Amerika.
Madumduman nga ginbatikos ni U.S. Secretary of State Marco Rubio ang ICC kag ginpahayag nga may mga buang-buang sa korte.
